Баҳисобгирии оморӣ воситаи самарабахши ба низом даровардан ва таҳияи дурнамои фаъолияти субъектҳои иқтисодӣ ба шумор меравад.
Эмомалӣ Раҳмон
САФАРИ ГУРӮҲИ КОРӢ БА ВИЛОЯТИ ХАТЛОН
22.08.25
Бо мақсади расонидани ёрии амалй ва дар амал татбиқ намудани дастуру супоришҳои Директори Агентии омори назди Президенти Ҷумҳурии Тоҷикистон гурӯҳи корӣ аз Агентии омор таҳти роҳбарии муовини директори Агентӣ Назарзода Зарина ба шаҳру ноҳияҳои вилояти Хатлон сафарбар гардиданд.
Ба иттилои дастрас дар ин сафар гурӯҳи корӣ бо сардорони хоҷагиҳои деҳқонӣ ҷиҳати баррасии камбудиву мушкилотҳои ҷойдошта дар самти супоридани ҳисоботҳои электронӣ тариқи Утоқи шахсӣ вохурӣ анҷом додаанд.
Гуфта мешавад, ки меҳвари аслии ташкили гурӯҳи корӣ, баргузории семинарҳои омузишӣ барои роҳбарони хоҷагиҳо оид ба тарзи дуруст супоридани ҳисоботҳои соҳаи кишоварзӣ тариқи Утоқи шахсӣ, тарзи истифодаи барнома, истифода аз терминалҳо ва дигар масоили марбута маънидод мегардад.
Гурӯҳи корӣ дар асоси Нақшаи дарсҳо ва машғулиятҳо барои мақомоти омори маҳал, ки аз ҷониби Директори Агентии омор тасдиқ шудааст, ба дигар минтақаҳо низ сафарбар мегарданд.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Эмомалӣ Раҳмон
0 комментария к “САФАРИ ГУРӮҲИ КОРӢ БА ВИЛОЯТИ ХАТЛОН”