Баҳисобгирии оморӣ воситаи самарабахши ба низом даровардан ва таҳияи дурнамои фаъолияти субъектҳои иқтисодӣ ба шумор меравад.
Эмомалӣ Раҳмон
Мубориза бар зидди коррупсия — омили таҳкими шаффофият ва эътимоди ҷомеа
15.10.25
Коррупсия яке аз зуҳуроти номатлуби ҷомеа буда, ба рушди иқтисодию иҷтимоии кишвар, риояи волоияти қонун ва эътимоди шаҳрвандон ба фаъолияти мақомоти давлатӣ таъсири манфӣ мерасонад. Пешгирӣ ва мубориза бо ин падида аз ҳар як корманди давлатӣ масъулияти баланд, риояи талаботи қонунгузорӣ ва муносибати софдилонаро ба иҷрои вазифаҳои хизматӣ тақозо менамояд.
Дар ин раванд, шаффофият, ҳисоботдиҳӣ, риояи интизоми хизматӣ ва пешгирии бархӯрди манфиатҳо аз ҷумлаи тадбирҳои муҳими муқовимат ба коррупсия ба ҳисоб мераванд. Баланд бардоштани маърифати ҳуқуқии кормандон, риояи меъёрҳои одоби хизматчии давлатӣ ва таъмини дастрасии шаҳрвандон ба иттилооти зарурӣ низ барои пешгирии омилҳои коррупсионӣ аҳаммияти муҳим доранд.
Агентии омори назди Президенти Ҷумҳурии Тоҷикистон дар доираи ваколатҳои худ ба таъмини шаффофият дар фаъолияти хизматӣ, риояи талаботи қонунгузорӣ, истифодаи самараноки захираҳо ва таҳкими интизоми меҳнат таваҷҷуҳ зоҳир менамояд. Ҳамзамон, таъмини воқеият, эътимоднокӣ ва дастрасии маълумоти оморӣ яке аз шартҳои муҳими баланд бардоштани эътимоди ҷомеа ба омори расмӣ мебошад.
Мубориза бо коррупсия танҳо вазифаи мақомоти дахлдор набуда, масъулияти умумии ҳар як шаҳрванд ва корманди давлатӣ мебошад. Ҳар як амали софдилона, риояи қонун ва муносибати масъулона ба вазифаҳои хизматӣ дар пешгирии ин зуҳуроти номатлуб ва таҳкими фарҳанги зиддикоррупсионӣ саҳми арзанда мегузорад.
Пешгирии коррупсия аз масъулияти шахсӣ, риояи қонун ва муносибати поквиҷдонона ба фаъолияти хизматӣ оғоз мегардад.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Эмомалӣ Раҳмон
0 комментария к “Мубориза бар зидди коррупсия — омили таҳкими шаффофият ва эътимоди ҷомеа”