Главная/ХАБАРҲОИ АГЕНТӢ/Дар доираи Лоиҳаи «Татбиқи Стратегия миллии рушди омор» сомонаи нави расмии Агентии омор таҳия гардид

Дар доираи Лоиҳаи «Татбиқи Стратегия миллии рушди омор» сомонаи нави расмии Агентии омор таҳия гардид

29.08.23

Дар асоси созишномаи дуҷонибаи ҳамкории Агентии омор ва корхонаи муштараки (Консортсиум) бо роҳбарии ДевСтат дар доираи компонент «Беҳтар намудани муколамаи истифодабарандагон ва ташаккулдиҳандагони иттилоот» коршиноси ғайрикалидӣ сомонаи нави Агентии омори назди Президенти Ҷумҳурии Тоҷикистонро омода намуд.

14 март дар Агентии омор намоиши сомонаи нави расмии Агентии омори назди Президенти Ҷумҳурии Тоҷикистон бо иштироки роҳбарият, сардорони раёсатҳои соҳавии Агентии омор ва Маркази кулли ҳисоббарорӣ», гурӯҳи татбиқи Лоиҳаи СМРО, коршиноси байналмилалии ширкати ДевСтат ҷаноби Миша Белкиндас, роҳбари ширкати Кайконсалтинг Султон Имомов сурат гирифт.

Тафсири сомонаи нав ба «Қоидаҳои ягона барои сомонаҳои расмии вазорату идораҳо, мақомоти иҷроияи маҳаллии ҳокимияти давлатии ва мақомоти хуидоракунии шаҳрак ва деҳот дар шабакаи Интернет», ки бо қарори Ҳукумати Ҷумҳурии Тоҷикистон аз 10 июли соли 2017, №344, инчунин Консепсияи ташаккули ҳукумати электронӣ дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 23 декабри соли 2011, №643 тасдиқ шудаанд ва Қонуни Ҷумҳурии Тоҷикистон «Дар бораи ҳуқуқи дастарӣ ба иттилоот» аз 18 июни соли 2008 мутобиқат мекунад.

Ҳамчунин зарурати таҳияи тафсири нав бо он асос карда мешавад, ки тафсири кунунӣ аз нигоҳи техникӣ фарсуда шуда, намои берунаи он ба талаботи муосир ҷавобгӯ нест, таҳия ва ҷорӣ намудани функсия ва имкониятҳои нав пеш омадааст.