ШУМОРИ НИКОҲ ВА ТАЛОҚ ДАР КИШВАР КОҲИШ ЁФТААСТ

Шумораи никоҳи бақайдгирифтаи мақомоти сабти асноди ҳолати шаҳрвандӣ (САҲШ) дар ҷумҳурӣ дар моҳҳои январ – июни соли 2025 нисбат ба ҳамин давраи соли қаблӣ 1,7 фоиз кам шуда, 30,2 ҳазор ҷуфти никоҳро ташкил кардааст. Коэффитсиенти умумии никоҳ дар моҳҳои январ-июни соли 2025 ба 1000 нафар аҳолӣ 5,7 ададро ташкил кардааст.

Шумораи бекоршавии ақди никоҳи бақайдгирифташудаи мақомоти сабти асноди ҳолати шаҳрвандӣ (САҲШ) дар ҷумҳурӣ дар моҳҳои январ – июни соли 2025 нисбат ба ҳамин давраи соли 2024-ум 6,5 фоиз кам шуда, 4047 ҷуфтро ташкил кардааст. Пошхӯрии оилаҳо дар ин давра нисбати дигар минтақаҳо бештар дар вилояти Суғд мушоҳида гардида, коэффитсиенти бекоршавии ақди никоҳ дар ин вилоят ба 1000 нафар аҳолӣ 1,1 адад рост омадааст.