Коҳиши истеҳсоли арақ дар Тоҷикистон: 9,3 ҳазор декалитр дар семоҳаи аввал

Дар моҳҳои январ–марти соли 2026 дар Ҷумҳурии Тоҷикистон истеҳсоли арақ ва маҳсулоти ликёру арақ ба 9,3 ҳазор декалитр (ё 93 ҳазор литр) баробар гардид.

Нишондиҳандаи мазкур нисбат ба ҳамин давраи соли гузашта 82,4 фоизро ташкил дода, коҳишёбиро дар ҳаҷми истеҳсолот инъикос менамояд.
Бояд зикр намуд, ки дар моҳҳои январ–марти соли 2025 ҳаҷми истеҳсоли арақ ва маҳсулоти ликёру арақ 11,2 ҳазор декалитрро ташкил дода буд. Ҳамин тариқ, дар давраи ҳисоботӣ коҳиш 1,9 ҳазор декалитр (ё 19,0 ҳазор литр) ба қайд гирифта шудааст.
Таҳлилҳо нишон медиҳанд, ки паст гардидани ҳаҷми истеҳсоли ин намуди маҳсулот метавонад ба як қатор омилҳо, аз ҷумла тағйирёбии талаботи бозор, танзими давлатӣ дар самти маҳдудсозии истеъмоли нӯшокиҳои спиртӣ ва ё бозсозии равандҳои истеҳсолӣ вобаста бошад.