Баҳисобгирии оморӣ воситаи самарабахши ба низом даровардан ва таҳияи дурнамои фаъолияти субъектҳои иқтисодӣ ба шумор меравад.
Эмомалӣ Раҳмон
ДАР АГЕНТИИ ОМОР БАХШИДА БА РӮЗИ ПАРЧАМИ ДАВЛАТӢ ҲАМОИШ ДОИР ШУД
24.11.25
Имрӯз дар Агентии омори назди Президенти Ҷумҳурии Тоҷикистон бахшида ба рӯзи Парчами давлатӣ бо иштироки муовини Директори Агентии омор Мирзоён Нодир Рамазонӣ ва кормандони Агентӣ ҳамоиши тантанавӣ баргузор шуд.
Муовини Директори Агентӣ Мирзоён Нодир иброз дошт, ки парчам барои ҳар миллат рамзи ватандорӣ, сарбаландӣ, шуҷоату мардонагӣ, ваҳдату ягонагӣ ва ифтихору ғурурӣ миллӣ мебошад, аз ин хотир мардуми шарифи Тоҷикистон ба он ҳамчун муҳимтарин рукни давлатдорӣ ва воситаи асосии муттаҳидкунанда арҷ мегузоранд ва ҳамасола 24 ноябр ин рӯзи таърихиро бо шукӯҳу шаҳомати хосса таҷлил менамоянд. Дар Конститутсияи Ҷумҳурии Тоҷикистон Парчам, Нишон ва Суруди миллӣ ҳамчун рамзҳои асосии давлат ва нишонаҳои соҳибихтиёрии давлату миллат эълон шудаанд.
-Рамзҳои давлатӣ, аз ҷумла Парчами давлатии тоҷикон бо талошҳои пайваста ва кору пайкори абармарди нотакрор, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 24 ноябри соли 1992 дар Иҷлосияи таърихӣ ва сарнавиштсози 16-уми Шӯрои Олии Ҷумҳурии Тоҷикистон бо овоздиҳии якдилонаи вакилони мардумӣ пазируфта шуда, баъдан 12 майи соли 2007 бо қабули Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон» вазъи ҳуқуқӣ, тартиби омодасозӣ, андоза ва корбурди расмии Парчам муқаррар ва ниҳоят 24 ноябри соли 2009 Рӯзи Парчами давлатӣ эълон шуд, ки он ҳамасола бо шукӯҳу шаҳомати хосса таҷлил карда мешавад, -афзуд муовини Директор.
Дар идомаи ҳамоиш оид ба таърихи Парчами давлатӣ ва арҷ гузоштан ба ин муқаддасоти миллӣ ибрози андеша карда шуда, ки тазаккур дода шуд, ки парчам таҷассуми мубориза барои озодӣ ва истиқлол, бахту иқболи сафед, ояндаи дурахшон ва саъю кӯшиши ҳамвора баҳри сарсабзию хуррамии мамлакат мебошад. Аз ин рӯ, шарафу эътибори он дар дохилу беруни кишвар ҳамчун муқаддасоти бузурги миллӣ ва ҳимояту пуштибонии давлату давлатдорӣ маҳсуб мешавад.
Дар идома аз тарафи ҷавонон оид ба таърихи парчамдорӣ, ҳувияти миллӣ ва эҳтиром ба ин рамзи муқаддаси миллӣ ибрози андеша карда шуд.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Эмомалӣ Раҳмон
0 комментария к “ДАР АГЕНТИИ ОМОР БАХШИДА БА РӮЗИ ПАРЧАМИ ДАВЛАТӢ ҲАМОИШ ДОИР ШУД”