Обунашавӣ
НишондодҲои асосӢ
Аҳолӣ аз 1.01.17 8,742 млн.
Тавварум дар соли 2016 6,1%
ИНИ дар соли 2016 106,1%
ММД дар соли 2016 54,5 млрд. сомони
Қурби асъор
Барои ..
1 Доллари ИМА .
1 ЕВРО .
10 Рубли Россия Array
Навигарӣ

04.04.2012
Ташрифи нахустин оид ба арзёбии глобалии низоми миллии омори расмии Ҷумҳурии Тоҷикистон

 26-30 марти соли 2012 дар Агентии омор ташрифи нахустин оид ба арзёбии глобалии низоми миллии омор дар ҳайати намояндагони Комиссияи иқтисодии Аврупоии СММ – ҷаноби Габриел Гамес ва хонум Зейнеп Орхун, аз Омори Аврупо – хонум Сив-Ирен Педерсен ва Ташкилот савдои озоди Аврупо – хонум Андреа Шеллер ва ҷаноби Хайнич Брюнгер баргузор гардид.

Мақсади асосии ташриф аз баҳодиҳии сатҳи мувофиқати низоми миллии омор ба стандарт байналмилалӣ ва аврупоии қабулшуда, бодарназардошти принсипҳои фундаменталии омори расмӣ ва кодекси меъёрҳои омори аврупоӣ иборат буд.

Баъди вохӯрӣ бо роҳбарияти Агентии омори назди Президенти Ҷумҳурии Тоҷикистон сӯҳбатҳо бо сардорон ва мутахассисони раёсатҳои соҳавӣ, якҷоя бо Маркази кулли ҳисоббарорӣ сурат гирифт. Масъалаҳои қонунгузорӣ, сохтори идоракунӣ, роҳбарият, банақшагирӣ ва барномарезӣ, усулҳои ташкили кор ва воситаҳои корӣ, захираҳои инсонӣ, тафсири сарчашмаҳои асосии иттилоот (маълумотҳои маъмурӣ, баҳисобгирии сартосарӣ ва ё интихобӣ), ҳамчунин усулҳои коркарди маълумотҳо, усулҳои идоракунӣ вобаста ба меҳнат намудани сифати маълумотҳо, усулҳои назорати сифат ва ҳифзи маълумотҳо, ҷамъоварӣ, коркарди ва таҳлили маълумотҳои ҳамаи соҳаҳо, паҳн намудани маълумотҳо/раванди пешниҳоди маълумотҳо, муносибат бо истифодабарандагони асосӣ ва ғайраҳо баррасӣ шуданд.

Ғайр аз он, вохӯрӣ бо вазорату идораҳои дахлдор, ки маълумотҳои омориро ташаккул медиҳанд, гузаронида шуд: вазоратҳои тандурустӣ, маориф, кишоварзӣ, молия, рушди иқтисод ва савдо, меҳнат ва ҳифзи иҷтимоии аҳолӣ,Бонки миллӣ, хадамоти гумрук.

Ҳайати намояндагони арзёбии глобалӣ якҷоя бо мутахассисони Агентии омор аз раёсатҳои омори шаҳрҳои Ваҳдат ва Турсунзода дидан карда, бо тартиби иҷрои барномаи корҳои оморӣ, муносибат бо мақомоти маҳаллии ҳокимият, проблема ва вазифаҳои мақомоти омори маҳаллӣ шинос шуданд.

Дар вохӯрӣ бо намояндагони воситаҳои ахбори омма оид ба табодули иттилоот ва муносибатҳо бо Агентии омор сурати гирифт, ҳамчунин оид ба сатҳи боварӣ дар муносибат бо омор расмӣ гуфтугӯи озод барпо шуд.

Вохӯри ва баррасии масъалаҳо дар бораи нақши омор дар мониторинги барномаҳои баланд бардоштани малака, лоиҳаҳои ҷорӣ ва минбаъдаи ҳамкориҳои техникӣ дар ҷодаи омор бо намояндагони ташкилотҳои байналмилалии маҳалӣ ва минтақавӣ: Хазинаи нуфуси СММ, Ташкилоти озуқа ва кишоварзии СММ, ЮНИСЕФ ва Бонки рушди Осиё сурат гирифт.

Ҳисоботи пешакӣ оид ба Арзёбии Глобалии низоми миллии омор аз ҷониби коршиносон ҳангоми ташрифи навбатии онҳо, ки моҳи июли соли 2012 сурат мегирад, пешниҳод карда мешавад.

 

Другие новости